Өмгөөллийн тухай хуулийн шинэчилсэн найруулгыг Шүүхийн шинэтгэлийн хамгийн чухал хэсэг болохын хувьд хэрэг бүртгэх, мөрдөн байцаах, прокурор, шүүх, шүүхийн шийдвэр гүйцэтгэх байгууллагуудын оролцоотойгоор өмгөөлөгчдийн өргөн төлөөлөл бүхий ажлын зөвлөгөөн, уулзалт, хэлэлцүүлгээр оруулж дахин боловсруулах шаардлагатай гэж үзэж байна.
Эрх зүйт нийгэмд аливааа хууль тогтоомжийг гаргахдаа үйлчлэлд нь өртөх магадлалтай, хуулийн төслийн хэлэлцүүлэгт оролцох шууд сонирхол бүхий барьсан одоогийн хуулийн төсөл хангахгүй байна.
Хуулийн байгууллагуудын үйл ажиллагааг иргэншсэн нийгмийн чиг баримжаата болгоход чухал үүрэгтэй энэ хуулийн төслийг Үндсэн хууль, бусад хуулийн байгууллагуудын үйл ажиллагааг зохицуулсан болон үйл ажиллагаандаа мөрдлөг болгон ажилладаг Эрүүгийн байцаан шийтгэх хууль, Иргэний хэрэг шүүхэд хянан шийдвэрлэх тухай хууль, Захиргааны хэрэг хянан шийдвэрлэх тухай хуулиудад нэмэлт өөрчлөлт оруулахтай уялдуулан иж бүрнээр боловсруулах ёстой.
Өмгөөлөгч 65 нас хүрсэн бол өмгөөлөх тусгай зөвшөөрлийг хүчингүй болгохоор байгаа нь өмгөөлөгчдийг насаар нь явгаварлан гадуурхсан, иргэдийн өмгөөлүүлэх, өмгөөлөгчөө чөлөөтэй сонгох эрхэнд халдаж байгаа явдал юм.
Өмгөөллийн үйлчилгээг хамтран эрхлэх хэлбэр нь товчоо, товчоог холбоогоор дамжуулан бүртгүүлэх, товчоо нь ашгийн төлөө бус хуулийн этгээд байна гэсэн нь Монгол Улсын олон хууль зөрчиж байна.
Түүнчлэн өмгөөллийн үйлчилгээний жишиг хөлсийг хууль зүйн асуудал эрхэлсэн Засгийн газрын гишүүнээр тогтоолгохоор төлөвлөж байгаа нь мэргэжлийн үйлчилгээний зах зээлд төрөөс зүй бусаар оролцох оролдлого гэж үзэж эсэргүүцэж байна.
Иймд энэхүү саналын дагуу иргэдийн болон мэргэжлийн байгуулагын оролцоог хангах үүднээс дахин боловсруулах чиглэл өгч хуулийн төслийг батлалгүйгээр хуулийн төсөл санаачлагч Засгийн газарт буцаахыг уриалж байна.
Уриалга гаргасан
"Өмгөөлөгчдийг өмгөөлөх нь" хэлэлцүүлэгт оролцогч өмгөөлөгчид
МҮХАҮТ-ын байр, Улаанбаатар хот
2010 оны 12 сарын 11-ний өдөр
